မြန်မာ့အာမခံလုပ်ငန်း၊ တာချီလိတ်ခရိုင်ရုံးမှ (၂၈-၃-၂၀၁၉) ရက်နေ့ နေ့လည် (၁:၀၀)နာရီတွင် တာချီလိတ်မြို့၊ ပါလျှံရပ်ကွက်၊ ရဲဝန်ထမ်းမိသားစုဓမ္မာရုံတွင် ကုန်းလမ်းပို့​ဆောင်ရေး ညွှန်ကြားမှုဦးစီးဌာန၊ ယာဉ်ထိန်းရဲတပ်ဖွဲ့တို့နှင့်ပူးပေါင်းပြီး  အာမခံအ​ကြောင်းသိကောင်းစရာ များဆွေး​နွေးဟောပြောပွဲ အစီအစဉ်အားဆောင်ရွက်ခဲ့ပါသည်။ ဟောပြောပွဲတွင် တာချီလိတ်မြို့နေပြည်သူ  စုစုပေါင်း (၂၅၀)ဦး တက်ရောက်ခဲ့ပါသည်။

အဆိုပါဟောပြောပွဲတွင် ခရိုင်တာဝန်ခံမှ သူတစ်ပါးထိခိုက်မှုအာမခံလုပ်ငန်း၊ အလုံးစုံ မော်တော်ယာဉ်အာမခံလုပ်ငန်း၊ တောင်သူလယ်သမားအသက်အာမခံ ၊ ​မြွေအန္တရာယ် အသက်အာမခံအကြောင်း သိကောင်းစရာများနှင့် အာမခံထားရာတွင်ရရှိနိုင်သော အကျိုးကျေးဇူးများကို အကျယ်တဝင့်ရှင်းလင်းပြောကြားခဲ့ပြီး တက်ရောက်လာသူများမှ မေးမြန်းသည်များကို အကျယ်တဝင့် ပြန်လည်ရှင်းလင်းခဲ့ပါသည်။