ပြည်ထောင်စုအဆင့် အဖွဲ့အစည်းများ၊ ဝန်ကြီးဌာနများနှင့် တိုင်းဒေသကြီး၊ ပြည်နယ်အစိုးရအဖွဲ့ များနှင့် စည်ပင်သာယာရေးကော်မတီများ ဆောင်ရွက်နေသော စီမံကိန်းလုပ်ငန်းများနှင့် ပတ်သက် ၍ တင်ဒါခေါ်ယူရေးလုပ်ငန်းများ ဆောင်ရွက်ရာတွင် ကြန့်ကြာခြင်းမရှိဘဲ အချိန်မီပြီးစီးအောင် ဆောင်ရွက်နိုင်ရေးအတွက် တင်ဒါလုပ်ထုံးလုပ်နည်းညွှန်ကြားချက်အမှတ် (၁/၂၀၁၇) နှင့် စီမံကိန်း အကောင်အထည်ဖော်မှုအား စောင့်ကြည့်လေ့လာခြင်းတို့နှင့် စပ်လျဉ်းသည့် သင်တန်းအား ၁၅-၁၁-၂၀၁၈ ရက်နေ့နှင့် ၁၆-၁၁-၂၀၁၈ ရက်နေ့တို့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄) ရှိ အစည်းအဝေးခန်းမ၌ ကျင်းပပြုလုပ်ခဲ့ရာ ပြည်ထောင်စုအဆင့် အဖွဲ့အစည်းများ/ ဝန်ကြီး ဌာနများနှင့် တိုင်းဒေသကြီး/ ပြည်နယ်အစိုးရအဖွဲ့များမှ အရာထမ်းနှင့် အမှုထမ်း စုစုပေါင်း (၂၇၆) ဦးတက်ရောက်ခဲ့ပါသည်။

သင်တန်းအား စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းမှ အဖွင့်အမှာ စကားပြောကြား၍ ဖွင့်လှစ်ပေးခဲ့ပြီး ၁၅-၁၁-၂၀၁၈ ရက်နေ့တွင် ငွေရေးကြေးရေးကြီးကြပ် စစ်ဆေး ရေးဦးစီးဌာန၊ ညွှန်ကြားရေးမှူးချုပ် ဦးဇော်နိုင်မှ “အစိုးရဌာန၊ အဖွဲ့အစည်းများ၏ တည်ဆောက် ခြင်း၊ ပစ္စည်းဝယ်ယူခြင်း၊ ဝန်ဆောင်မှုရယူခြင်း၊ ငှားရမ်းခြင်းနှင့် ရောင်းချခြင်းများ ဆောင်ရွက်ရာ တွင် လိုက်နာရမည့် တင်ဒါလုပ်ထုံးလုပ်နည်း” အား လည်းကောင်း၊ ၁၆-၁၁-၂၀၁၈ ရက်နေ့တွင် စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ညွှန်ကြားရေးမှူးချုပ် ဦးဆန်းမြင့်မှ စီမံကိန်းအကောင်အထည်ဖော်မှုအား စောင့်ကြည့်လေ့လာခြင်းနှင့် စပ်လျဉ်း၍ လည်းကောင်း ရှင်းလင်းတင်ပြခဲ့ပြီး တက်ရောက်လာသူများ၏ မေးမြန်းဆွေးနွေးချက်များအပေါ် သက်ဆိုင်ရာ ညွှန်ကြားရေးမှူးချုပ်များနှင့် တာဝန်ရှိပုဂ္ဂိုလ်များက ပြန်လည်ရှင်းလင်းဖြေကြားပါသည်။