မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း အကောင်အထည်ဖော်ရာ၌ စောင့်ကြည့်အကဲဖြတ်နိုင်စေရန် အမျိုးသားညွှန်ကိန်းမူဘောင်တစ်ရပ် ဖွံ့ဖြိုးလာစေရေးအတွက် လုပ်ငန်းအဖွဲ့(၇) အခြေခံအဆောက်အဦ နှင့် ကုန်းလမ်းခရီးဖြင့် သွားလာရောက်ရှိနိုင်မှု(Infrastructure & Road Access) နှင့် စပ်လျဉ်းသည့် ဒုတိယအကြိမ် အလုပ်ရုံဆွေးနွေးပွဲ ကျင်းပခြင်း

     မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan - MSDP) အကောင်အထည်ဖော်ရာ၌ စောင့်ကြည့်အကဲဖြတ်နိုင်စေရန်အတွက် အမျိုးသားညွှန်ကိန်းမူဘောင် (National Indicator Framework- NIF) တစ်ရပ်ဖွံ့ဖြိုးလာစေရေးအတွက် လုပ်ငန်းအဖွဲ့(၇) အခြေခံအဆောက်အဦနှင့် ကုန်းလမ်းခရီးဖြင့် သွားလာရောက်ရှိနိုင်မှု(Infrastructure & Road Access) နှင့် စပ်လျဉ်းသည့် ဒုတိယအကြိမ် အလုပ်ရုံ ဆွေးနွေးပွဲအား ၂၀၁၈ ခုနှစ်၊ ဒီဇင်ဘာလ(၄)ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ကျင်းပရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားခဲ့ ပါသည်။

    အဆိုပါ လုပ်ငန်းအဖွဲ့(၇)၏ ဒုတိယအကြိမ် လုပ်ငန်းညှိနှိုင်းဆွေးနွေးပွဲတွင် မဟာဗျူဟာ (၃.၆) စဉ်ဆက်မပြတ် ဖွံ့ဖြိုးမှုနှင့်စီးပွားရေးလုပ်ငန်းအမျိုးမျိုးကို ပံ့ပိုးပေးမည့် ဦးစားပေးအခြေခံအဆောက်အအုံတည်ဆောက်ရေးမဟာဗျူဟာအားတိုင်းတာမည့် အမျိုးသားညွှန်ကိန်းမူဘောင်အတွက် ညွှန် ကိန်း (၁၁)ခု၊ အဆင့်(၁) ညွှန်ကိန်း ၃၃%၊ အဆင့်(၂) ညွှန်ကိန်း ၆၇%၊ SDGs ညွှန်ကိန်း ၄၂%၊ အမျိုးသားညွှန်ကိန်း ၅၈% နှင့် အသင့်တိုင်းတာရနိုင်သည့် ညွှန်ကိန်း ၇၅% ရရှိခဲ့ပါသည်။

    အလုပ်ရုံဆွေးနွေးပွဲသို့ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ နယ်စပ်ရေးရာ ဝန်ကြီး ဌာန၊ လျှပ်စစ်နှင့် စွမ်းအင်ဝန်ကြီးဌာန၊ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာန၊ ရန်ကုန် စည်ပင် သာယာရေးကော်မတီ၊ မန္တလေးစည်ပင်သာယာရေးကော်မတီ၊ နေပြည်တော်စည်ပင်သာယာရေး ကော်မတီများမှ ဖိတ်ကြားထား​သော အရာထမ်းများ၊ မြန်မာဖွံ့ဖြိုးမှုအဖွဲ့အစည်း (MDI) မှ ကိုယ်စားလှယ်များ၊ ကုလသမဂ္ဂဖွံ့ဖြိုးရေးအစီအစဉ်(UNDP)မှ ပညာရှင်များနှင့် ဗဟိုစာရင်းအင်း အဖွဲ့မှ အရာထမ်းများ အပါအဝင် စုစုပေါင်း(၄၇)ဦး တက်ရောက်ခဲ့ကြပါသည်။